De registrerte datoene er ikke verifisert ikrafttredelse. En dato kan være kunngjøringsdato brukt som reserve når virkningstidspunktet ikke er avklart. Kontroller tidspunkt og eventuelle vilkår i kilden.
📡 Siste registrerte kunngjøringer for dokumentet: Atom-feed · 🔍 Se gjeldende tekst: forskrift/2021-05-07-1452 · 📜 Eldre, uverifisert rekonstruksjon: git-logg
§ 1-7 skal lyde:
§ 1-7.Våpenlova sitt verkeområde ovanfor offentlege etatar
Våpenlova gjeld for offentlege etatar, med mindre noko anna er fastsett i våpenlova eller i denne forskrifta.
Lova gjeld ikkje for våpen, skytevåpen, våpendelar eller ammunisjon som er bestemte for eller som vert bruka av Forsvarshistorisk museum.
§ 2-5 første ledd skal lyde:
Den som vil erverve eller ha lause våpenmagasin til løyvepliktige skytevåpen med større patronkapasitet enn fem for haglevåpen, 10 for rifler eller 20 for pistolar, må ha løyve etter § 4-4 andre og tredje ledd, § 4-12 andre ledd, § 5-6, § 5-8 eller § 59 i denne forskrifta eller våpenlova § 10.
§ 2-5 første ledd skal lyde:
Den som vil erverve eller ha lause våpenmagasin til løyvepliktige skytevåpen med større patronkapasitet enn fem for haglevåpen, 10 for rifler eller 20 for pistolar, må ha løyve etter § 4-4 andre, tredje og fjerde ledd, § 4-12 andre ledd, § 5-6, § 5-8 eller § 5-9 i denne forskrifta eller våpenlova § 10.
§ 4-4 skal lyde:
§ 4-4.Rifler til sportsskyting og våpenmagasin med stor patronkapasitet
Politiet kan gje løyve til erverv og innehav av halvautomatiske riflemodellar som er godkjent til jakt etter § 4-1 til sportsskyting.
Politiet kan gje løyve til erverv og innehav av halvautomatiske rifler som nemnt i våpenlova § 5 andre ledd nr. 3, og våpenmagasin til slike rifler med større patronkapasitet enn 10, med dei avgrensingar som følgjer av § 3-1 og § 3-2, til personar som:har gjennomført tryggingsopplæring som vert arrangert av skyttarorganisasjonen,har i minst to år vore medlem i skyttarorganisasjon som har eit godkjent skyteprogram for den omsøkte våpentypen, ogdei siste to åra har gjennomført minst 10 organiserte treningar og minst 10 opne stemner arrangert av skyttarorganisasjonen.
Politiet kan gje løyve til erverv og innehav av våpenmagasin til rifler med manuell omlading med større patronkapasitet enn 10, med dei avgrensingar som følgjer av § 3-1 og § 3-2, til personar som:har gjennomført tryggingsopplæring som vert arrangert av skyttarorganisasjonen,har i minst eitt år vore medlem i skyttarorganisasjon som har eit godkjent skyteprogram for rifler med manuell omlading og våpenmagasin med større patronkapasitet enn 10, ogdet siste året har gjennomført minst 10 organiserte treningar og minst fem opne stemner arrangert av skyttarorganisasjonen.
Politiet kan gje løyve til erverv og innehav av våpenmagasin til pistol med større patronkapasitet enn 20 til personar som:har gjennomført tryggingsopplæring som vert arrangert av skyttarorganisasjonen,har i minst eitt år vore medlem i skyttarorganisasjon som har eit godkjent skyteprogram for våpenmagasin med større patronkapasiteten enn 20, ogdet siste året har gjennomført 10 av skyttarorganisasjonen sine organiserte treningar eller konkurransar.
§ 4-6 første ledd nr. 1 skal lyde:
har gjennomført tryggingsopplæring arrangert av skyttarorganisasjonen,
§ 5-1 skal lyde:
§ 5-1.Erverv og innehav av skytevåpen og våpendelar som skal brukast av andre
Politiet kan gje løyve til å erverve og ha skytevåpen og våpendelar til personar som skal oppbevare dei på vegne av nokon som grunna alder ikkje sjølv kan erverve og ha skytevåpen.
Politiet kan gje løyve etter første ledd for rifler, kombinasjonsvåpen eller haglevåpen med enkeltskot eller manuell omlading, halvautomatiske haglevåpen, pistolar og revolverar. Løyvet skal vere avgrensa til våpentypar som lovleg kan brukast til det føremålet som grunngjev ervervet.
Politiet kan gje løyve etter første ledd når både den som ervervar skytevåpen og våpendelar og den som skal bruke skytevåpen og våpendelar oppfyller krava til personlege eigenskapar etter kapittel 7 i denne forskrifta og våpenlova § 16. Den som skal erverve og ha skytevåpen på vegne av andre må i tillegg oppfylle krava til alder etter våpenlova § 15 og dokumentere tilstrekkeleg våpendugleik, men treng ikkje oppfylle kravet til behov som er gjeve i eller i medhald av våpenlova kapittel 4.
For at politiet skal kunne gje løyve etter første ledd for rifle, kombinasjonsvåpen eller haglevåpen må den som skal bruke skytevåpenet og våpendelen vere under 16 år, og oppfylle krava for erverv av skytevåpenet til sportsskyting etter § 4-7, eller vere registrert i Jegerregisteret og oppfylle krava for opplæringsjakt i viltlovgjevinga.
For at politiet skal kunne kan gje løyve etter første ledd for pistol eller revolver må den som skal bruke skytevåpenet og våpendelen vere mellom 12 og 21 år, og oppfylle krava for erverv av skytevåpenet til sportsskyting etter § 4-6. Om den som skal bruke skytevåpenet er under 18 år, kan politiet berre gje løyve til erverv av pistol eller revolver i kaliber.22 Long Rifle.
Politiet kan gje løyve etter første ledd for inntil to år av gangen. Ved søknad om å forlenge løyvet skal søkar dokumentere at vilkåra for løyvet framleis er oppfylte.
§ 5-3 skal lyde:
§ 5-3.Erverv og innehav av skytevåpen for avliving og immobilisering av dyr
Politiet kan gje næringsdrivande løyve til å erverve og ha skytevåpen og våpendelar for avliving av tamdyr eller felling av skadedyr.
Politiet kan gje løyve etter første ledd til ei komplett rifle, eitt kombinasjonsvåpen eller eitt haglevåpen som er tillatne til jakt etter våpenlova § 11 andre ledd og kapittel 3 i denne forskrifta, samt våpendelar til dette skytevåpenet. Politiet kan berre gje løyve etter første ledd til personar som kan dokumentere å ha tilstrekkeleg våpendugleik, som til dømes gjennomført førstegongsteneste eller aktivitet i godkjent skyttarorganisasjon. Gjeld søknaden ein juridisk person, må organisasjonen dokumentere at dei våpenansvarlege etter våpenlova § 17 har våpendugleik som nemnt i andre punktum.
Politiet kan gje løyve til oppsynet som nemnd i naturoppsynsloven § 1 for avliving og immobilisering av vilt. Politiet kan gje løyve til våpentypar og våpendelar og det talet på våpen og våpendelar som er naudsynt for at oppsynet skal kunne utføre oppgåver pålagt i eller i medhald av lov. Andre ledd andre og tredje punktum gjeld tilsvarande.
Politiet kan gje løyve etter våpenlova § 18 andre ledd til tilsette i oppsynet som nemnd i tredje ledd. Andre ledd andre punktum gjeld tilsvarande.
§ 5-7 fjerde ledd skal lyde:
Sysselmeisteren på Svalbard kan gje nærare retningsliner om erverv og innehav av skytevåpen til vern mot isbjørnåtak.
§ 6-7 femte ledd annet punktum skal lyde:
Sysselmeisteren på Svalbard kan gje nærare retningsliner om transport av skytevåpen, våpendelar og ammunisjon på Svalbard.
§ 6-8 annet ledd annet punktum skal lyde:
Sysselmeisteren på Svalbard kan gje nærare retningsliner om mellombels oppbevaring av skytevåpen, våpendelar og ammunisjon på Svalbard.
§ 6-9 andre ledd skal lyde:
Fråsegna om utlån saman med løyvet til å ha den aktuelle våpentypen gjeld som våpenkort.
§ 6-11 skal lyde:
§ 6-11.Utlån av skytevåpen til vern mot isbjørnåtak
Sysselmeisteren på Svalbard kan gje nærare retningsliner om utlån av skytevåpen til vern mot isbjørnåtak.
§ 7-7 første ledd skal lyde:
For utlendingar krevst det fem år butid i Noreg før politiet kan utferde løyve etter denne forskrifta eller våpenlova. Kravet om butid gjeld likevel ikkje for:EØS-borgar som legg fram politiattest frå heimstaten sin,utlending frå land utanfor EØS som dei siste fem åra har opphalde seg lovleg i eit EØS-land, og som kan leggje fram politiattest og bevis på lovleg opphald frå EØS-landet, ogutlending frå land utanfor EØS med tidlegare opphald i Noreg, der fråværet frå Noreg er så kortvarig at det kan gjennomførast tilfredsstillande vandelskontroll.
§ 8-7 andre ledd skal lyde:
Politiet kan godkjenne skyteprogram for halvautomatiske rifler som er godkjent til jakt etter § 4-1, samt for andre våpentypar med dei avgrensingar som følgjer av kapittel 3 i denne forskrifta og våpenlova § 5. Politiet kan berre godkjenne skyteprogram som inneber bruk av våpenmagasin som krev særskilt løyve etter § 2-5 dersom programmet forvaltast av ein internasjonal skyttarorganisasjon.
Ny § 11-15 skal lyde:
§ 11-15.Systematisk elektronisk utveksling av opplysingar om avslag på søknad om løyve og tilbakekall av løyve
Delegert kommisjonsforordning (EU) 2021/1423 om systematisk elektronisk utveksling av opplysingar om avslag på søknad om erverv eller innehav av enkelte typar skytevåpen gjeld som forskrift.
Teieplikta etter forvaltningsloven § 13 er ikkje til hinder for utlevering av opplysingar i samsvar med forordninga. Det skal utleverast opplysingar om avslag på søknad om erverv eller innehav av enkelte typar skytevåpen og om tilbakekall av løyve til enkelte typar skytevåpen, når avgjerda er grunna i at vilkåra i våpenlova § 16 ikkje er oppfylte.
§ 12-2 skal lyde:
§ 12-2.Gebyr for søknad om løyve eller godkjenningar
Det krevjast gebyr for søknad om følgjande løyver eller godkjenningar:1 495 kroner for søknad om løyve til å erverve og ha skytevåpen for personar som ikkje har våpenløyve frå før,745 kroner for søknad om løyve til å erverve og ha skytevåpen for personar som har våpenløyve frå før,374 kroner for søknad om løyve til å erverve og ha skytevåpen som ikkje krev behovsprøving,248 kroner for søknad om løyve til å erverve og ha våpen etter § 3-6,374 kroner for søknad om løyve til å erverve og ha våpendelar, medrekna våpenmagasin med stor patronkapasitet etter § 2-5,248 kroner for søknad om løyve til å låne skytevåpen,3 913 kroner for søknad om godkjenning som våpensamlar,7 425 kroner for søknad om godkjenning som skyttar- eller våpensamlarorganisasjon,1 536 kroner for søknad om godkjenning eller endring av teknisk skyteprogram for godkjent skyttarorganisasjon,1 000 kroner for ettergodkjenning av deaktiverte skytevåpen,17 580 kroner for søknad om løyve til å drive næringsverksemd med skytevåpen, våpendelar eller ammunisjon,520 kroner for søknad om løyve for ervervsmessig innførsel av skytevåpen, våpendelar eller ammunisjon,269 kroner for søknad om løyve for ikkje-ervervsmessig innførsel av skytevåpen, våpendelar eller ammunisjon,575 kroner for søknad om løyve for mellombels innførsel av skytevåpen, våpendelar og ammunisjon,269 kroner for søknad om løyve for ikkje-ervervsmessig utførsel av skytevåpen, våpendelar eller ammunisjon,6 556 kroner for godkjenning av sivil skytebane, og375 kroner for søknad om og forlenging av Europeisk våpenpass.
§ 12-3 første punktum, innleiinga til punktumet, skal lyde:
Det krevjast ikkje gebyr for søknad om følgjande løyver:
§ 14-1 nr. 12 skal lyde:
Personar som har lånt skytevåpen eller våpendelar før ikraftsetjing av denne forskrifta kan lovleg ha desse utan løyve etter våpenlova § 18 andre ledd i inntil tre månader etter ikraftsetjing av denne forskrifta. Personar som før ikraftsetjing av denne forskrifta har lånt skytevåpen eller våpendelar etter forskrift 25. juni 2009 nr. 904 om skytevåpen, våpendeler og ammunisjon mv. § 86 første ledd, og som har søkt om løyve til lån av tilsvarande skytevåpen eller våpendel innan 1. september 2021, kan lovleg ha det utlånte skytevåpenet eller våpendelen fram til 1. januar 2022.
Overskrifta i § 4-6 skal lyde:
§ 4-6.Krav til medlemskap, aktivitet og opplæring for erverv av pistolar eller revolver til sportsskyting
Overskrifta i § 4-7 skal lyde:
§ 4-7.Krav til medlemskap, aktivitet og opplæring for erverv av rifle eller haglevåpen til sportsskyting
I forskrift 7. mai 2021 nr. 1452 om våpen, skytevåpen, våpendelar og ammunisjon (våpenforskrifta) skal § 14-1 ny nr. 18 lyde:
I forskrift 7. mai 2021 nr. 1452 om våpen, skytevåpen, våpendelar og ammunisjon (våpenforskrifta) skal § 14-1 ny nr. 18 lyde:
Næringsdrivande med løyve etter lov 9. juni 1961 nr. 1 om skytevåpen og ammunisjon mv. må innan 1. juni 2028 oppfylle krava i § 6-5 til tryggleik for oppbevaring av skytevåpen, våpendelar og ammunisjon.
Forskrifta trer i kraft straks.